BACHIANUM

BACHIANUM

Insula Asiae, in mari Indico, et una ex Moluccis, parva sed abundans et mirê fertilis, in ditione Hollandorum, 30. mill. pass. distat a Machiano in Austrum et paulo minus ab ora occidentali Giloli Insul. fere sub linea aequinoctiali. Olim seke dicta. Hîc caelum ut percoquendis aptum frugibus, ita corporibus humanis grave, ob vapores, quos Sol adeo imminens haurit; quippe positis sub Aequatore terris, quarum et visceribus incensis flammant iuga. Sinenses circa A. C. 1013. has insulas tenuêre. Post hos Persae, Arabes, Lusitani, Batavi. Vide Hug. Grotium Hist. Belg. et in voce Moluccae.